Në Gjykatën Themelore në Prishtinë, ka vazhduar gjykimi për krime lufte ndaj Zlatan Arsiq. Aty dëshmuan dy familjar të të dëmtuarit.
Në gjykimin ndaj ish-policit
Me pranga në duar u soll në gjykatore ish pjesëtari i policisë serbe gjatë luftës në Kosovë, Zllatan Arsiq.
Në shqyrtimin gjyqësor, ndaj të akuzuarit për krime lufte në Kamenicë, u dëgjuan dy dëshmitarë që kanë lidhje me familjarin.
Dëshmitari, Senad Maliqi, tregon se si i kishte treguar për dhunën që kishte pësuar djali i tezes së tij nga policia serbe.
E të akuzuarin Arsiq, ai thotë se e njeh vetëm si figurë.
Kurse dëshmitari tjetër deklaroi se nuk e njeh të akuzuarin.
Por Zuka Mavriq, dëshmoi për vëllaun e motrës së tij, që ishte maltretuar gjatë luftës.
Ai ka treguar edhe për trajtimin që i është dhënë nipit të tij për plagët e marra.
Të dy dëshmitarët u ballafaquan me deklarata të mëhershme të tyre të dhëna në polici, e që para trupit gjykues deklarojnë ndryshe.
Parsiqi, akuzohet për torturë, trajtim çnjerëzor, dëbim e djegie të shtëpive të shqiptarëve gjatë shkurtit dhe marsit 1999.
