Juventus – Inter dhe Lazio – Napoli janë dy prej ndeshjeve më interesante të kësaj fundjave në kampionatin italian të futbollit.
Derbi i zjarrtë ndërmjet Juventusit dhe Interit do të luhet të dielën nga ora 20:45.
I takon javës së 25-të të Serie A.
Interi është i pamposhtur në tri ndeshjet e fundit në ligë ndaj Juventusit.
Ndërsa Juventusi është i pamposhtur në dhjetë nga 11-të ndeshjet e fundit në shtëpi kundër Interit.
“Zonja e Vjetër” është skuadra e vetme këtë edicion që nuk ka pësuar disfatë në shtëpi por është edhe skuadra që ka barazuar më së shumti.
Interi ka 54 pikë dhe renditet në pozitën e dytë. Një pikë më shumë e ka Napoli.
Juventusi është në vendin e pestë me 43 pikë.
Lideri, Napoli, në dy ndeshjet e fundit është ndalur në barazim, nga Udinese dhe Roma.
Skuadra e drejtuar nga trajneri Antonio Conte, Napoli, të shtunën nga ora 18:00 luan me Lazion në Romë.
Dy skuadrat ballafaqohen për herë të tretë këtë edicion garues. Dy ndeshjet e kaluara, në kuadër të ligës dhe garës për kupë, i fitoi Lazio.
Lazio është në pozitën e katërt me 45 pikë.
Pesë pikë më shumë i ka Atalanta e vendit të tretë.
Skuadra e Berat Gjimshitit, Atalanta, të shtunën nga ora 15:00 luan me Cagliarin.
Cagliari ka 24 pikë dhe renditet në pozitën e 13-të.
Të shtunën luan edhe Milani ndaj Veronas, nga ora 20:45. “Kuqezinjtë” kanë 38 pikë në vendin e shtatë. Verona zë pozitën e 15-të me 23 pikë.
