Lille – Monaco dhe Lyon – Paris Saint-Germain janë dy prej ndeshjeve më interesante të kësaj fundjave në kampionatin francez të futbollit.
Derbi ndërmjet Lyonit dhe Parisit do të luhet të dielën nga ora 20:45.
I takon javës së 23-të.
Parisi është ekipi i vetëm këtë edicion që nuk ka pësuar disfatë në elitën franceze.
Është lider me 56 pikë. Në mesjavë e siguroi kalimin në një të tetën e finales në Champions.
Lyoni ka 36 pikë në pozitën e gjashtë.
Ndeshja tjetër interesante ndërmjet Lillet dhe Monacos luhet të shtunën nga ora 17:00.
Sulmuesi i Kosovës, Edon Zhegrova, është kthyer në stërvitje te Lille por nuk pritet të jetë i gatshëm.
Zhegrova ndeshjen e fundit në kampionatin francez e ka zhvilluar kundër Marseillet më 14 dhjetor. Ai nuk pritet të kthehet edhe disa javë.
Lille ka 38 pikë në vendin e pestë. Monaco ka dy pikë më shumë dhe renditet një pozitë më lart.
