Apeli i Posaçëm ka regjistruar ankimin e Erion Veliajt kundër masës së sigurisë “arrest në burg”.
Të dy ankimet e bëra nga tij, edhe ai kundër vendimit në mungesë të 9 shkurtit, edhe ai kundër konfirmimit të masës në 12 shkurt, do të shqyrtohen në një çështje të vetme nga gjyqtari Engert Pëllumbi.
“Gjykata e Posaçme e Apelit për Korrupsionin dhe Krimin e Organizuar, regjistroi çështjen penale nr. 13 akti, datë 04.03.2025 regjistrimi, mbi ankimet e personave nën hetim E.V., E.A., M.P., Sh.F., G.S., me objekt: “Ankim ndaj vendimit nr. 7, datë 09.02.02025 dhe vendimit nr. 14, datë 12.02.2025 të Gjykatës së Posaçme të Shkallës së Parë për Korrupsionin dhe Krimin e Organizuar” që ka disponuar në lëndë të masave të sigurimit personal. Sipas shortit, trupi gjykues monokratik përbëhet nga gjyqtari Engert Pëllumbi”, njofton GJKKO. / A2CNN
