Mbrëmjen e sotme në lagjen e Spitalit në Prishtinë, një person i kërkuar nga drejtësia ka rënë nga lartësia e një ndërtese, në përpjekje për t’i shpëtuar arrestimit nga Policia e Kosovës.
Rasti ka ndodhur rreth orës 20:30, ndërsa Policia ka bërë të ditur se personi në fjalë ishte në kërkim me urdhër-arrest vendor dhe ndërkombëtar, për veprën penale “vrasje e rëndë”.
“Sipas informacioneve të para nga vendi i ngjarjes, i dyshuari, në përpjekje për t’iu shmangur arrestimit policor, ka rënë nga një lartësi dhe si pasojë ka pësuar lëndime trupore”, thuhet në njoftimin e Policisë së Kosovës.
I dyshuari është dërguar fillimisht për trajtim mjekësor në vendin e ngjarjes, për t’u transferuar më pas në Qendrën Klinike Universitare të Kosovës (QKUK).
Policia ka njoftuar se aktualisht është duke bashkëpunuar me akterët përkatës për të ndërmarrë të gjitha veprimet e nevojshme me qëllim të zbardhjes së plotë të rrethanave të kësaj ngjarjeje.
Më shumë detaje priten në vazhdim, pas përfundimit të hetimeve paraprake.
“Aktualisht policia, në bashkëpunim me akterët e tjerë përkatës, janë duke ndërmarrë të gjitha veprimet e nevojshme për zbardhjen e plotë të rrethanave të ngjarjes”, thuhet tutje në njoftimin e Policisë.
