Dukagjini dhe Ballkani kanë publikuar tashmë formacionet zyrtare për ndeshjen e vlefshme për javën e dhjetë në Superligën e Kosovës.
Klinasit janë nikoqir të therandasve në ndeshjen që pritet të zhvillohet në stadiumin “18 qershori” në Klinë, me fillim nga ora 13:00.
Ekipi i Ismet Munishit vjen nga një fitore e madhe ndaj Llapit dhe synon fitoren e radhës për t’i ikur zonës së rënies nga kategoria.
Në anën tjetër, ekipi i Artim Pollozhanit gjithashtu vjen nga një fitore në derbi ndaj Suharekës dhe synon të vazhdoj me fitore, për të ruajtur kreun e tabelës.
Trajnerët e të dyja skuadrave kanë vendosur të startojnë me formacionet më të mira të mundshme.
Dukagjini: Muhaxhiri; Pllana, Sinani, Syla, Hugo; Millaku, Xhemajli, Pefqeli; Elezaj, Berisha Mërlaku;
Ballkani: Koliçi; Halili, Jashanica, Potoku, Gjini; Ismajlgeci, Queven; Hamidi, Ribeiro, Tolaj; Adetunji;
