Ndeshja hapëse e xhiros së 29-të e Superligës së Kosovës në futboll, ka përfunduar pa fitues.
Të martën, Dukagjini dhe Suhareka kanë luajtur 1:1 në stadiumin “18 Qershori” në Klinë.
Sulmuesi Mevlan Zeka kaloi në epërsi Suharekën në minutën e 10-të, përpara se Faton Neziri të realizoj për Dukagjinin duke barazuar shifrat në minutën e 20-të për rezultatin përfundimtar të këtij takimi.
Për Suharekën që mbetet e parafundit në tabelë me 33 pikë, ky është barazimi i parë në gjashtë ndeshjet e fundit, ku ka regjistruar dy fitore e tri humbje.
Në anën tjetër, Dukagjini mbetet në pozitën e shtatë me 36 pikë të mbledhura dhe ndeshjen e radhës e luan në udhëtim kundër skuadrës së Gjilanit.
