I ftuar në emisionin “Këndi i Debatit” në Tëvë1, Dugolli thotë se këtë e ka bërë të ditur edhe presidenti amerikan, Joe Biden, i cili ka deklaruar se do t’i mbajnë përgjegjëse shtetet që janë pro Rusisë.
“Është e rëndësishme se kemi fqinjin Serbinë që nuk ka heq dorë dhe ka pretendime të hapura territoriale, nuk e kanë mohuar bashkëpunimin me Rusinë, por tash janë para një sfide për të cilën tash e tutje do ta mbajnë përgjegjës SHBA-të, kështu deklaroi edhe Biden se do t’i mbajnë edhe ato shtete që ndihmojnë apo përkrahin agresionin e Putinit’, deklaroi ai.
Sipas tij, agresioni rus nuk është vetëm kundër Ukrainës, por edhe kundër popujve të lirë dhe shteteve sovrane.
Dugolli thekson se Kosova ka bërë mirë që është rreshtuar pro forcave perëndimore.
“Ky agresion nuk është vetëm kundër Ukrainës, po cilësohet si një agresion kundër popujve dhe shteteve të lira sovrane, në këtë drejtim si Kosovë jemi rreshtuar me kohë drejt dhe jemi rreshtuar pro forcave perëndimore, që janë miqtë tanë dhe është rruga e vetme e jona të jemi krahë tyre”, shtoi ai./teve1.info/.
