Deputetja e Kuvendit të Kosovës, Duda Balje është ndaluar të martën nga autoritet serbe në pikën kufitare në Merdare.
Lajmin për tëvë1.info e ka konfirmuar vet deputetja, Balje e cila tha se është ndaluar për rreth një orë derisa ishte duke udhëtuar drejt Austrisë së bashku me familjen.
“Unë jam me familjen, me burrin dhe fëmijët jemi në rrugë për Austri, veç më kanë ndalë dhe për një orë mi kanë ndal letrat. Burri ka pyetur a ka najsen, dhe i kanë thënë jo kontroll rutinore”, ka thënë Balje.
Ndryshe, me datë 17 prill qindra kosovarë janë mbajtur të bllokuar për mbi 16 orë nga autoritetet serbe në pikat kufitare me Serbinë.
Serbia ka ndaluar autobusë me udhëtarë nga Kosova edhe në kufijtë me Kroacinë dhe Hungarinë, si shenjë hakmarrjeje ndaj mbështetjes nga Asambleja Parlamentare e Këshillit të Evropës për anëtarësimin e Kosovës në këtë organizatë./teve1.info/
