Pesë ditë më parë, i paraqiti kërkesat e saj.
Krejt kjo për formimin e një koalicioni me Lëvizjen Vetëvendosje.
E atë që kërkoi kryetarja e partisë “SDU”, Duda Balje, nga kryeministri në detyrë, Albin Kurti, ishte një komunë boshnjake brenda Republikës së Kosovës.
E këtë komunë, ajo e mendon të jetë në rajonin e komunës së Prizrenit.
Balje thotë se po pret një takim të dytë me Kurtin, për të vendosur nëse e voton apo jo Qeverinë e re.
Ajo mohoi zërat për takim të mundshëm me përfaqësues të Listës Serbe dhe shantazh ndaj saj.
E këtë kërkesë të Baljes, po e sheh si joligjore kryetari i Kuvendit, Glauk Konjufca.
Balje që i përfaqëson boshnjakët në Kosovë thotë se ata janë 75% në krahasim me pakicat e tjera në Kosovë.
