Këngëtarja nga Kosova, Dua Lipa është ndër yjet britanikë që ka qenë e detyruar të largohet nga Los Angeles për shkak të zjarreve që kanë përfshirë zonat e Pacific Palisades dhe Hollywood Hills.
Këngëtarja shqiptaro-britanike, 29 vjeç, bashkë me artistë të tjerë si James Bourne nga grupi Busted, Mark Owen nga Take That dhe Liam ‘Gatsby’ Blackwell nga TOWIE, janë evakuuar ndërkohë që zjarret vazhdojnë të shkatërrojnë pjesë të mëdha të qytetit, shkruan DailyMail.
“Absolutisht shkatërruese dhe të frikshme këto ditë në LA. Po mendoj për të gjithë miqtë dhe njerëzit që u detyruan të evakuohen nga shtëpitë e tyre”, shkroi Dua.
Ndryshe, numri i të vdekurve është rritur në 10 nga zjarret në Los Angeles.
Rreth 10 mijë shtëpi dhe struktura të tjera janë djegur dhe numri i qytetarëve të evakuuar është rritur në rreth 180 mijë.
