Nga viti 2000, banorët e fshatit Tërrnavë, mbi shtëpitë e tyre të banimit e kanë këtë gurthyes.
E 25 vjet më vonë, në Kuvendin Komunal të Preshevës u votua për të hapur një gurthyes në këtë fshat.
Kësisoj, këshilltarët e Partisë për Veprim Demokratik dhe Partisë Demokratike Shqiptare ia dhanë dritën e gjelbër.
Mirëpo, kundër hapjes së tij, janë banorët e fshatit Tërrnavë.
Kryetari i bashkësisë lokale atje, Afrim Abdullahu thotë se banorët janë të shqetësuar për këtë vendim.
Abdullahu thotë se në vendin ku po planifikohet hapja e tij, janë dy burime të ujësjellësit për banorët e fshatit.
Ai thotë se me gurthyesin aktual kanë mjaft dëme si fshat.
Nëse nuk shfuqizohet vendimi, Abdullahu paralajmëron bllokime të rrugëve nga bashkëfshatarët.
Kundër këtij vendimi në seancë të kuvendit komunal kanë qenë këshilltarët e Alternativës për Ndryshim.
Kryetari i këtij subjekti politik Visar Memeti, thotë se hapja e një gurthyesi tjetër i shkatërron banorët.
Visari thotë se në rast proteste, do të i mbështesin qytetarët.
Televizioni ka kërkuar një qëndrim edhe nga kryetarja e komunës së Preshevës nga radhët e PVD-së, Ardita Sinani mirëpo e njëjta nuk ka dhënë përgjigje.
Pa përgjigje, ka qenë edhe nënkryetari i këtij institucioni nga PDSH-ja Ragmi Mustafa.
