Kampionia në fuqi, Drita, e ka shënuar fitoren e katërt radhazi në Superligën e Kosovës.
Drita pas barazimit të enjten 1:1 me Omonian në Ligën e Konferencës, të dielën ka shënuar fitore 3:1 ndaj Ferizajt. Kjo ndeshje i takoi xhiros së dhjetë.
Dy autogola u realizuan në pjesën e parë.
Fillimisht ishte Ardit Iljazi që realizoi autogol në minutën e 17-të për epërsinë e Dritës, ndërsa Egzon Bejtullai shënoni po ashtu autogol në minutën e 39-të për t’i barazuar shifrat.
Qendërmbrojtësi Bejtullai më pas në minutën e 52-të shënoi për 2:1.
Mike Arthur e shënoi golin e tretë për Dritën në minutën e 82-të.
Drita ka 17 pikë dhe e zë vendin e tretë. Dy pikë më shumë ka Ballkani në vendin e dytë. Lidere është Prishtina me 25 pikë.
Ferizaj ka dhjetë pikë në pozitën e parafundit.
