17:00 Drita kthehet me triumf në Superligë, fiton me “tris” ndaj Prishtinës
Drita i është kthyer fitores në Superligë. Drita në kryendeshjen e xhiros së gjashtë të zhvilluarë në Gjilan, ka mposhtur Prishtinën me rezultat 3:0.
Pjesa e parë ishte pa gola, por jo edhe pjesa e dytë. Ishte Almir Ajzeraj, ai që shënoi për 1-0 për Dritën në minutën e 47-të.
Dy minuta kaluan dhe skuadra nga Gjilani shënoi edhe të dytin. Tani ishte Albin Prapashtica, ai që shfrytëzoi një gabim nga mbrojtja e Prishtinës për 2-0.
Drita e shënoi edhe të tretin, për 3-0 me golin e shënuar prej Kastriot Selmanit (90+2′), për të marrë pikët e plota në këtë derbi.
Pas javës së gjashtë, Drita gjendet në vendin e katërt me nëntë pikë, aq sa ka edhe Prishtina në të pestin, por që ka një ndeshje më shumë të zhvilluar.
16:54 Selmani “vulos” fitoren për Dritën
Kastriot Selmani i jep siguri fitores së Dritës ndaj Prishtinës. Selmani në minutën e 92′ të ndeshjes realizoi për 3:0.
16:17 Prapashtica shënon ndaj Prishtinës, por nuk feston
Albin Prapashtica ka shënuar golin e dytë për Dritën në derbin ndaj Prishtinës.
Prapashtica shënoi në minutën e 50-të pasi rrëmbeu topin nga qendërmbrojtësi Egzon Sinani, por nuk ka festuar.
Për ish-lojtarin e Prishtinës ishte goli i dytë me fanellën e Dritës.
16:15 Ajzeraj kalon Dritën në epërsi
Drita ka shënuar gol të shpejtë ndaj Prishtinës, në fillim të pjesës së dytë.
Golin e realizoi në minutën e 46-të Almir Ajzeraj. Ajzeraj shënoi pas asistimit fantastik të Muharrem Jasharit.
15:52 Drita – Prishtina, pa gola në pjesën e parë
Drita-Prishtina, kryendeshja e xhiros së gjashtë në Superligën e Kosovës në futboll, ka mbyllur pjesën e parë.
Ndonëse rivaliteti ishte në tribuna, por edhe brenda fushës, mirëpo portat mbetën të paprekura në pjesën e parë.
14:17 Drita – Prishtina, formacionet zyrtare
Drita pret Prishtinën në kuadër të xhiros së gjashtë në Albi Mall Superligën e Kosovës. Ky duel konsiderohet si klasikja e futbollit kosovar për shkak të rivalitetit të madh që kanë dy skuadra për shumë vite.
Drita ka një ndeshje më pak të zhvilluar, por nuk di për fitore që nga xhiro e parë duke marrë tre barazime të njëpasnjëshme. Në anën tjetër Prishtina ka dy fitore e tre barazime dhe ka tre pikë më shumë se gjilanasit
Drita: Smakiqi; Be. Krasniqi, Salihu, Thaqi, Vitija; Broja, Jashari, Baftiu; Ajzeraj, Prapashtica, Bl. Krasniqi.
Prishtina: Nika, Bytyqi, Useini, Sinani, Muja, Islami, Pefqeli, Krasniqi, Hyseni, Kryeziu, Blesa.