Lideria e Superligës në futboll, Drita një ditë para ndeshjes me Prishtinën ka bërë të ditur se ka nënshkruar me futbollistin ukrainas Denys Kostyshyn, të cilin e kanë prezantuar zyrtarisht si përforcim të ri
Sipas klubit gjilanas, Denys vjen nga Superliga e Ukrainës dhe do të jetë një alternativë shtesë për trajnerin, Zekirija Ramadani.
“Denys është lojtar me tipare ofenzive dhe pozita e tij e preferuar është mesfushor ofenziv, por që mund të luaj edhe në krahë dhe në fazën sulmuese.
Denys në kampionatin e Ukrainës ka qenë pjesë e ekipeve si Dnipro ku dhe është zhvilluar si futbollist. Ai ka luajtur edh ete Kolos Kovalivka dhe së fundmi ishte pjesë e ekipit të Oleksandriya”, shkruan klubi gjilanas në Facebook, me rastin e prezantimit të futbollistit të ri.
Kostyshyn ka nënshkruar kontratë me klubin deri në qershor të vitit 2026.
