Skuadra e Dritës ka bërë edhe një hap tjetër të madh drejt titullit të kampionit.
Të martën, Drita ka mposhtur Ballkanin 2:0, në ndeshjen derbi të xhiros së 24-të që u luajt në Gjilan.
Veton Tusha (77′) dhe Kastriot Selmani (90′), shënuan golat e fitores për Dritën, e cila më këtë fitore forcohet në krye të tabelës me 53 pikë, 13 më shumë se Ballkani që në tri ndeshjet e fundit ka dy humbje e një barazim.
Humbje të martën ka pësuar edhe Llapi, që u mposht në udhëtim te Ferizaj me rezultatin 2:1.
Të gjitha golat e këtij takimi u shënuan në pjesën e parë, ku për vendasit realizuan Valmir Nafiu e Antonio Ilieski kurse për mysafirët shënoi Blend Baftiu.
Me këtë fitore, Ferizaj ngjitet në pozitën e 5-të me 32 pikë kurse Llapi mbetet i teti me 26 pikë të mbledhura.
