Në një ndeshje dominuese dhe duke mos e vënë fitoren në dyshim asnjëherë, Drita iu revanshua Prishtinës për humbjen në Kupë, duke e mposhtur në ligë, të enjten.
Në derbin e javës së 29-të, gjilanasit triumfuan me rezultat 2:0, por që avantazhi ka mundur të jetë edhe më i thellë, pasi në fushë, ishte një Prishtinë ndryshe nga ajo që pamë javën e kaluar në Gjilan, kur me një lojtar më pak fitoi duelin e parë gjysmëfinal të Kupës.
Dilemat e fitores për vendësit morën fund pas 25 minutave, kur Drita shënoj dy gola.
Veton Tusha u përkujdes për të shënuar dy gola, në minutat 13 dhe 25 për epërsinë e dyfishtë të gjilanasve pas 25 minutave lojë.
Në pjesën e dytë, Drita shënoj edhe njëherë përmes besnik Krasniqit, por goli i mbrojtësit u anulua për pozitë jashtë loje.
Drita me këtë fitore ruan vendin e parë, me 10 pikë më shumë se Ballkani, derisa Prishtina është e pesta me 38 pikë.
