Skuadra e Dritës ka forcuar repartin e mesfushës, pasi ka transferuar në radhët e veta ganezin Derrick Bonsu.
Drita, të enjten e ka prezantuar mesfushorin që ka firmosur kontratë deri në qershorin e vitit 2027.
Bonsu 23-vjeçar i bashkohet Dritës nga skuadra sllovake Pohronie kurse ka luajtur edhe për ekipin Podbrezova.
Në ligën e dytë të Sllovakisë, Bonsu ka regjistruar 34 paraqitje ku e ka bërë edhe një asistim.
Ganezi gjithashtu ka luajtur edhe në kategoritë e ulëta të Spanjës, ku ka qenë pjesë e skuadrës Loja, të cilit i është bashkuar nga ekipi U19 i Valladolidit.
Drita stinorin vjeshtor e ka mbyllur në pozitën e parë në Superligën e Kosovës dhe ndeshjen e parë të stinorit pranveror e luan të premten kundër Malishevës.
