Drilon Hajrizi megjithatë do të mbetet te klubi i basketbollit Trepça, vetëm një ditë pasi kishte paralajmëruar largimin nga klubi mitrovicas.
Sporti në Tëvë 1, dha lajmin ekskluziv për largimin e tij, por burimet me klubin e xehetarëve”, i kanë bërë të ditur televizionit, se Hajrizi ka ndryshuar mendje pas bisedimeve me zyrtarët e klubit.
Gjithçka varej nga shiriti i kapitenit, të cilin drejtuesit e skuadrës ia besuan njërit nga basketbollistët më të mirë të vendit, në vitet e fundit.
Hajrizi e pranoj pozitën e re në skuadër, por kundër kësaj ishin tifozeria e zjarrtë e klubit, “Torcida” që paralajmëruan bojkot, ndaj Hajrizit, lidhur me të kaluarën e tij, dikur te skuadra rivale, Prishtina.
Të gjetur në këtë udhëkryq, edhe klubi por edhe basketbollisti, të premten kanë arritur kompromisin që ai të mbetet pjesë e skuadr4ës, por që shiriti i kapitenit, t’i kalojë Anes Gashit, që edhe ishte kapiten te Trepça, vitin e kaluar.
Një nga basketbollistët më të mirë në vend, Drilon Hajrizi, së fundmi kishte probleme me një sëmundje, dhe momentalisht është në fazën e shërimit.
