Njohësi i çështje politike, Xhavit Drenori ka vlerësuar se pavarësisht pakënaqësive brenda LDK-së dhe akuzave të brendshme për manipulim të votave, kryetari i kësaj partie, Lumir Abdixhiku do t’i mbijetojë krizës siç ka thënë ai.
Sipas tij, rezultati i zgjedhjeve të 9 shkurtit, ku asnjë nga zyrtarët tjerë të LDK-së përfshirë edhe disa kryetarë komunash nuk morën vota shumë e “shpëton” Abdixhikun.
“Besoj që e mbijeton këtë proces z.Abdixhiku për arsye se zgjedhjet e 9 shkurti nuk nxorën ndonjë figurë të votuar shumë. Se po të kishte nxjerrë një Gazmend Muhaxheri apo ndonjë kryetar komune, atëherë Abdixhikut do t’i lëkundej kërriga. Kjo e mbron, se s’ka lider tjetër që mund të shpërthejë në masë. Rikthimi i z. Hotit dhe të tjerëve është i pamundur në këtë fazë”, ka thënë Drenori në emisionin “InfoNata” në Tëvë1.
