Kryetari i Iniciativës Green për Drenas, Xhavit Drenori, ka thënë se kryetari aktual i kësaj komune, Ramiz Lladrovci projektet më të mëdha në fushën e ndërtimit është duke ua dhënë shokëve të tij.
Ai në emisionin “Info Nata” tha se qytetarët janë në dijeni për këtë.
“7 vjet në qeverisje dhe nuk kanë shumica e qytetarëve ujë të pijes, nuk besoj që do justifikim më të madh para qytetarëve. Një kryetar që është menaxher i mirë, një kryetari që prioritetet e qytetarëve i ka të tij gjenë zgjidhje. Shumë është lehtë të ankohet, jo prokuroria, jo gjyqësori, jo Qeveria Kurti. Kjo qeveri është qe 2 vite, qeveritë para saj kanë qenë kryesisht me PDK-në, parti që i takon edhe kryetari. Prandaj nuk mendoj që e justifikojnë më”, tha Drenori.
Ai më tej tha se qytetarët e kanë parë që ky Lladrovci nuk i kryen punët, madje as punët elementare.
“Nuk e ka pasur Ladrovci prioritet ujin e pijes, por po del që shumicën e investimeve po i bënë të ndërtimet… që kryesisht po e bëjnë dostat e tij që e kanë ndihmuar në zgjedhje. Nuk është mirë me fol me emra, por qytetarët e dinë, ata që ndërtojnë. Mjafton me hy në rrjete sociale dhe e sheh me kë i kalon vikendet…kryesisht me 3-4 ndërtues që janë më të mëdhenjtë që e ka bërë edhe fushatën, kështu hiq nuk është fshehur…”, tha Drenori në Tëvë 1.
