Analisti, Xhavit Drenori duke folur për pritjet e nga takimi Kurti-Limaj i cili pritet të mbahet në fundjavë, ka thënë se pret që Nisma Socialdemokrate të lëvizë nga pozicioni i saj për kryetarin e Kuvendit.
Ai ka thënë se kërkesa e saj ka qenë joracionale krahasuar me numrin e deputetëve që ka.
“Nisma duhet të jetë e para që duhet të lëvizë nga pozicionet sepse e kam thënë edhe më parë, praktika që të merret një pjesë e madhe e pushtetit ish dashtë me kanë që i përket historisë jo të tashmes dhe të ardhmes. Po besoj që Nisma heq dorë nga kërkesa e saj që ka qenë jo racionale për fuqinë që ka”, ka thënë Drenori në emisionin “Këndi i Debatit” në Tëvë1.
Nga ky takim kanë pritje që të jetë pozitiv edhe nga LVV e Nisma, por sipas Drenorit tri votat e partisë së Limajt nuk e zgjidhin problemin, por kjo do të jetë pozitive.
“Megjithatë duke ditur që nuk zgjidhet krejt problemi me këto tri vota, mund të ketë shenja pozitive nga ai takim por jo një besim të sigurt që të hënën mund të kemi konstituim të Kuvendit”, ka thënë Drenori.
