Donald Trump Jr, djali i madh i presidentit amerikan, u takua të martën në Beograd me presidentin e Serbisë, Aleksandar Vuçiq.
Për këtë vizitë në studion e emisionit “Këndi i Debatit” ka folur analisti, Xhavit Drenori.
Drenori ka analizuar vizitën e Trump Jr si dhe podcastin me presidentin Vuçiq.
Ai thotë se nga kjo vizitë Trump Jr duke qenë biznesmen ka marrë atë se çfarë ka dashur duke e shfrytëzuar situatën e Vuçiqit pas protestave që po mbahen në Beograd kundër tij.
“Ky është djali i presidentit Trump dhe për neve është mjaftueshëm shqetësuese, mirëpo ato çka kanë dalë në publik unë besoj që janë pjesë e pazararve kryekëput të këtij biznesmeni me një president që është në rënie, dhe për të mos rënë e me ndihmu me jetua ku me ditë se çfarë përfitimesh ka marrë! Unë për këtë jam i sigurt, pasi që tregtarët e kanë këtë punë – e shfrytëzojnë pazarin kur është i lirë diku për ta marrë atë që kërkojnë”, deklaroi ai.
Ndërkohë, në analizën që ia bëri intervistës thotë se Trump Jr përballë Vuçiqit ishte i kujdesshëm derisa thekson se e “goditi pak NATO-n e më shumë evropianët”.
“Trump Jr po e gjen Vuçiqin gati të dorëzuar para një situate në Serbi për shkak të protestave. Ky është ekonomist, idenë pra e kanë te ekonomia dhe te përfitimi, është metodë në biznes se çka merr dhe çka jep. Vuçiq për mbijetesë në këtë krizë, unë jam e sigurtë që iu është dashur një podcast i tillë, Trump Jr në Beograd është për pazare, në podcast në asnjë moment nuk e nxori nga goja të thoshte që e kontestojmë atë se çfarë ka ndodh dhe se Kosova mund t’i kthehet Serbisë. Ishte i kujdesshëm, godiste pak NATO-n më shumë evropianët dhe ne e dimë pse dhe godiste administratën demokrate, ishte një goditje anësore duke ia bërë qejfet…”, deklaroi ai në Tëvë1.
