Mesfushori i talentuar i Prishtinës, Igball Jashari karrierën do ta vazhdoj te skuadra e Drenicës.
Ekipi nga Skenderaj që bën gara në Ligën e Parë të Kosovës, të mërkurën e ka prezantuar Jasharin.
Drenica nuk i ka bërë të ditura detajet e transferimit të tij, por ka shtuar se “sulmuesi i familjes emblematike Jashari, do të jetë ‘armë’ shtesë për sulmin e skuadrës tonë”.
Jashari 19-vjeçar, si futbollist është zhvilluar te Prishtina, ku në vitin 2023 është promovuar në ekipin e parë.
Në stinorin vjeshtor, Jashari ka regjistruar 8 paraqitje për Prishtinën në Superligë, ku e ka bërë edhe një asistim.
Ai është nipi i komandantit legjendar, Adem Jashari.
