Autor: Adea Mustafaj
Që nga e hëna, Komunës së Drenasit i është pasivizuar qasja në sistemin financiar.
Problemi i cili, sipas zyrtarëve komunalë, rrjedh nga vendimet që gjyqësore që lidhen me kontratën kolektive.
Kushtrim Bajraktari, zyrtar kryesor i financave në Drenas thotë që qasja kësaj komune i është pasivizuar për të parën herë.
“Është hera e parë që neve si Komunë e Drenasit na pasivisohet qasja. Përndryshe, qasja na është pasivisu derisa Thesari t’i ekzekutojë vendimet proparimore gjyqësore, që realisht bëhet fjalë për 1 milion e 772 mijë lista e vendimeve proparimore, listë e cila është në proces të ekzekutimit. Nga muaji prill janë ekzekutu po ashtu prej Thesarit 1 milion e 66 mijë, që i bie që deri në këto momente të vitit 2025, 2 milionë e 883 mijë euro janë shpenzime për vendime gjyqësore proparimore të cilat lidhen me kontratën kolektive.Kontrata kolektive nuk është obligim i Komunës. Në rastin konkret, ne nuk jemi palë e marrëveshjes, palë e kontratës kolektive”, thotë Bajraktari.
Bajraktari thotë që dëmet janë shumë të mëdha.
“Nëseflasim me statistika, prejvitit 2020 derimëtani, edhe me këtoshpenzimeqëjanë nëprocestëekzekutimit, bëhetfjalëqënëformëtëdhunshme neve siKomunë e Drenasitnajanëekzekutuar 10 milionë e 682 mijë euro”, thotë ai.
Ajo se çfarë ai kërkon është zëvendësim i linjave buxhetore në mënyrë që të ruhet funksionalizimi.
Pasi sipas Bajraktarit, po preken shërbimet esenciale për qytetarët.
“Të paktën të na mundësohet zëvendësimi ipesë linjave buxhetore. E kemi dërguar propozimin. I kemi dhënë prej disa projekteve kapitale më pak të rëndësishme, me qëllim që të ruhet funksionalizimi. Përndryshe, edhe shërbimet vitale rrezikohen. Në qoftëse ekzekutohen komplet mallrat dhe shërbimet në sektorin e shëndetësisë, preken shërbimet esenciale për qytetarët, siç është furnizimi me barna dhe shërbimet e tjera mjekësore”,shprehet Bajraktari.
Ndërkaq, SazanIbrahimi, drejtor ekzekutiv i Asociacionit të Komunave të Kosovës, thekson se nuk është hera e pare kjo gjë ndodh jo vetëm në Dreas por edhe në komuna tjera, teksa për këtë i hedh faj nivelit qendror, siç thotë ai, për mos bashkëpunim.
“Nuk ështëhera e pare që ndodh. Edhe vitin e kaluar kemi pasur raste kur disa komuna u janë bllokuar llogaritë bankare dhe nuk kanë mundur t’i kryejnëpagesat. Kjo po vjen si rezultat I mosbashkëpunimit të nivelit qendror me nivelin lokal, sa I përket zgjidhjes së problemit të kontratave kolektive”, thotë Ibrahimi.
Ndërsa, Ministria e Financave, Punes dhe Transfereve në një përgjgije për televizionin, bën të ditur se organizatat buxhetore, përfshirë komunat, nuk mbajnë llogari të veçanta bankare, por në bazë të Ligjit për Menaxhimin e Financave Publike dhe Përgjegjësitë, të gjitha transaksionet realizohen perms Llogarisë së Vet me të Thesarit.
“Në rastetkur ka vendime të formës së prerë të gjykatave që duhet të ekzekutohen nga buxheti i komunave, Thesari, në përputhje me nenin 40.3 të të njëjtit ligj, pasivizon përkohësisht qasjen e zyrtarë vezotues dhe shpenzues në sistemin SIMFK, deri në përfundimin e procedures së pagesës. Ky veprim është pjesë e zbatimit ligjor dhe nuk paraqet bllokim të plotë të llogarive”, thuhet nga ministria.
Sipas Ministrisë, Komunat janë të njoftuara paraprakisht përmes procesit gjyqësor për obligimet financiare që kanë ndaj palëve të treta, si dhe përms komunikimit të vazhdueshëm nga Thesari në lidhje me ekzekutimin e vendimeve të gjykatave.
