Sipas njoftimit në Facebook, kjo drejtori ka bërë të ditur se gjatë këtij aksioni është bërë edhe pastrimi i gjithë asaj zone.
“Drejtoria e Inspekcionit në vazhdën e aksioneve për lirimin e hapësirave publike, sot ka ndërmarrë një aksion që kishte për qëllim lirimin e hapësirave pranë hyrjes qendrore të Qendrës Klinike Universitare të Kosovës – QKUK-së. Gjatë këtij aksioni, Drejtoria e Inspekcionit, në koordinim edhe me Ndërmarrjen “Hortikultura”, përveç lirimit të kësaj hapësire nga kiosqet dhe gjësendet tjera që shërbenin për shhitje të mallërave të ndryshme e të cilat ishin të vendosura ilegalisht aty, ka bërë edhe pastrimin e gjithë kësaj zone nga grumbulli i madh i mbeturinave të krijuara në atë hapësirë”, thuhet në njoftim. /Teve1.info/
