Drejtori i Përgjithshëm i policisë, Gazmend Hoxha ka pritur në takim Ambasadorin e Hungarisë në Kosovë, József Bencze.
Siç thuhet në njoftim, palët u zotuan për avancim të bashkëpunimit mes Policisë së Kosovës dhe Ambasadës hungareze.
“Me datën 05.04.2023 drejtori i Përgjithshëm i Policisë së Kosovës, z. Gazmend Hoxha, priti në takim ambasadorin e Hungarisë z. József Bencze me bashkëpunëtorët e tij. Gjatë këtij takimi ambasadori Bencze uroi z. Hoxha për marrjen e detyrës së re si drejtor i PK-së. Në takim u diskutuan çështje me interes të përbashkët dhe të dy palët u zotuan për avancim të bashkëpunimit të mëtutjeshëm mes Policisë së Kosovës dhe Ambasadës Hungareze”, thuhet në njoftimin e PK-së.
