Drejtori i përgjithshëm i Policisë së Kosovës kolonel Gazmend Hoxha, sot për nder të festës së Fitër Bajramit ka vizituar Bashkësinë Islame të Kosovës.
Hoxha e ka uruar myftiun Ternava për festën e Fitër Bajramit, duke u dëshiruar gjithë besimtarëve myslimanë shëndet dhe begati në familjet e tyre.
“Z, Hoxha, uroi myftiun për festën e Fitër Bajramit, duke i dëshiruar atij dhe tërë besimtarëve mysliman që këtë festë ta festojnë me shëndet, begati e në harmoni familjare e shoqërore”, thuhet në njoftimin e Policisë.
Ndërsa, myftiu Ternava e ka falënderuar drejtorin për vizitën dhe u ka uruar Policisë së Kosovës festën e Bajramit.
“Kurse, myftiu Ternava, falënderoi z. Hoxha për vizitën dhe njëherësh i uroi atij dhe Policisë së Kosovës këtë festë të rëndësishme për besimtarët mysliman, duke u lutur që paqja, harmonia, begatia e çdo e mirë tjetër të na përcjellë në këtë jetë”, thuhet në njoftim./teve1.info/
