Drejtori i Institutit Demokratik të Kosovës, Ismet Kryeziu, ka kërkuar shkarkimin e ministrit të Brendshëm, Xhelal Sveçla, raporton teve1.info
Kryeziu këtë kërkesë e bëri pas një deklarate të ministrit Sveçla, ku i krahasoi gazetarët dhe protestën e veteranëve me ato të Serbisë.
“Në një shtet demokratik, ku fjala ka peshë dhe përgjegjësi, sot do duhej të shkarkohej ministri i Punëve të Brendshme, Xhelal Sveçla.
Por nuk ka si të shkarkohet një ministër, përmes të cilit Kryeministri ka zgjedhur që me gjuhë kërcënuese dhe nxitëse për konflikt civil, t’u drejtohet qytetarëve të Republikës”, ka shkruar Kryeziu.
