Gjatë një konference për medie në Prishtinë, Flore tha se organizata që e drejton i njeh partnerët kosovarë, por sipas saj kjo është çështje e ndjeshme në të cilën ekzistojnë edhe disa pengesa sa i përket lëvizjes së lirë.
Flore premtoi se do të gjendet zgjidhja më e mirë edhe sa i përket Kartonit të Gjelbër dhe lëvizjes së lirë të mallrave.
“Jemi duke punuar dhe menduar se si do të arrijmë synimin përfundimtar dhe dëshiroj të vë theksin që ne po punojmë për një zgjidhje që do të hapë kufijtë për qytetarët e Kosovës. Le t’i japim vetës kohë të punojmë në këtë çështje bashkë dhe të gjejmë një rrugë, të dalim prej kësaj gjendje për hirë të transportit. Nuk është ideja tani të hyjmë në detaje por është mirë të gjejmë mënyrën përfundimtare të arrijmë tek caku. Kemi punuar bashkë qe një kohë dhe ne i njohim partnerët tanë kosovarë mirëpo është çështje e ndjeshme, delikate dhe ekzistojnë disa pengesa. Mirëpo siç thash nesër do të shohim se cili është opisioni më i mirë të vazhdojmë”, u shpreh ajo.
Kurse drejtori i Byrosë Kosovare të Sigurimit, Sami Mazreku, tha se është punuar shumë në marrëveshje me shtetet e Rajonit derisa e përmendi projektin e stikerave për vetura, i cili tha se ka dhënë rezultatet e veta.
“Vitin e kaluar ka filluar të zbatohet marrëveshja me Maline zie cila tani nuk ka asnjë problem. Në anën tjetër kemi pas disa probleme me byronë shqiptare të cilat i kemi zgjidhë. Po ashtu projekti i stikerave që e kemi financu përmes anëtarëve tonë i ka dhënë rezultatet e veta, përveç që e ka sjellë numrin në 4,8 për qind të automjeteve të paregjistruara në anën tjetër e ka rritë edhe numrin të siguruarve”, tha Mazreku.
Të dy premtuan që nesër me fillim nga ora 9:00 do të shpalosin më shumë detaje në konferencën e përbashkët.