Derbi mes Prishtinës dhe Ballkanit i ka takuar këtyre të fundit, me rezultat të pastërt 0-2.
Në një ndeshje ku u luajtën 108 minuta dhe ndodhi gjithcka, dy kartonë të kuq, dy penallti dhe mjaft raste për shënim vendimtarë dolën të jenë Ermal Krasniqi nga penalltia në minutën e 93, dhe Mevlan Zeka në minutën e 104.
Lumbardh Dellova shkaktoi penallti për Prishtinën duke u ndëshkuar me karton të kuq pas ndërhyrjes ndaj Otto John, për ta pritur penalltinë e Besnik Krasniqit portieri Stivi Frashëri.
Megjithatë, minuta më vonë edhe Otto John u ndëshkua me të kuq pas ndërhyrjes ndaj mesfushorit Kushtrim Gashi.
Besnik Krasniqi ishte protagonist edhe në minutën e 90 kur shkaktoi penallti në Ermal Krasniqin, e cila u rishikua dyherë në VAR nga referi Genc Nuza.
Prishtina me këtë humbje zbret në pozitën e gjashtë, ndërsa Ballkani në pozitën e dytë.
