Borussia Dortmundi është finalisti i parë në Ligën e Kampionëve.
Ekipi nga Bundesliga, të martën mbrëma ka siguruar finalen pasi në gjysmëfinale eliminoi Paris Saint-Germainin me rezultatin e përgjithshëm 2:0.
Sikurse në ndeshjen e javës së shkuar në Gjermani, Dortmundi fitoi edhe në Francë me rezultatin 1:0.
Golin e vetëm në këtë takim e realizoi qendërmbrojtësi Mats Hummels, i cili shënoi me kokë në minutën e 50-të.
Dortmundi kthehet në finalen e Championsit pas 11-të vjetësh. Në vitin 2013 kishte pësuar nga Bayerni, ndërsa në vitin 1997 kishte triumfuar në garën më prestigjioze të Evropës.
Në finalen e qershorit në stadiumin “Ëembley”, Borussia Dortmundi e pret fituesin e duelit Real Madrid – Bayern Munchen. Kjo sfidë vendoset të mërkurën mbrëma në Madrid pasi ndeshja e parë ka përfunduar 2:2.
