Borussia Dortmundi po sfidon skuadrën e Milanit për shërbimet e Ardon Jasharit, kanë raportuar mediumet e huaja të dielën.
Bëhet e ditur se Dortmundi është kthyer në garë për Jasharin dhe sërish ka kontaktuar Bruggen në lidhje me shërbimet e tij.
Jashari është njëri prej lojtarëve më të kërkuar në këtë afat kalimtar, ndërsa Milani shihet si favorit për shërbimet e tij.
Edhe pse Milani kishte ofruar 30 milionë euro për shërbimet e tij, Brugge ka refuzuar një ofertë të tillë për shkak se po insiston të paktën 40 milionë euro për kartonin e 22-vjeçarit.
Tani, Dortmundi duket se nuk e ka ndërmend të dorëzohet për mesfushorin shqiptar, i cili ka kontratë me ekipin belg deri në verën e vitit 2029.
