Sonte, luhet ndeshja tjetër e fazës gjysmëfinale të Ligës së Kampionëve, ku Borussia Dortmundi e pret skuadrën e Paris Saint-Germainit.
Kjo ndeshje nis në orën 21:00 dhe luhet në stadiumin “Signal Iduna Park” të Dortmundit.
Edhe kjo përballje pritet të dhuroj spektakël këtë mbrëmje, duke pasur parasysh se si Dortmundi ashtu edhe Parisi po synojnë kalimin në finalen e madhe të Ligës së Kampionëve.
Këto skuadra janë përballur me njëra tjetër këtë edicion pasi ishin në grupin e njëjtë të Championsit.
Dortmundi e fitoi grupin, por nuk arriti në asnjërën prej dy ndeshjeve ta mposht Parisin. PSG-ja fitoi në Francë dhe barazoi në Gjermani. Bazuar në formën momentale, Parisi vlerësohet favorit përball Dortmundit.
Dortmundi e ka fituar Championsin në vitin 2007, ndërsa Parisi po e kërkon trofeun e parë të kësaj gare në histori të klubit pas humbjes në finalen e vitit 2020.
Për ekipin nga Franca, kjo është hera e katërt që paraqitet në gjysmëfinale të Ligës së Kampionëve, kun ë dy raste është eliminuar në këtë fazë.
