Në fillim erdhi vet.
E më pas veteranit të Ushtrisë Çlirimtare të Kosovës, Agim Pllashniku iu bashku dhe avokati i tij, Gent Gjini.
Të dy këta këtë të premte ia mësyn Prokurorisë Speciale.
Me të vetmen arsye dorëzimin e kallëzimit penal kundër kryetarit të Kuvendit të Kosovës, Dimal Basha.
Ky kallëzim penali erdhi për shkak të një shkrimit të vitit 2012, ku Basha figuronte si bashkautor me Jana Arsovskan,
Në punim thuhej ndër të tjera thuhej që “UÇK-ja ishte financuar nga trafikantët e drogës”.
Avokati Gent Gjini, tha se kryetari i kuvendit, duhet të marrë përgjegjësi për atë se çfarë ka shkruar.
“Përgjegjësi penale e pse jo edhe burgu për ditët në vijim ku do të mbahen seancat gjyqësore. Është nxitja e përçarjes kombëtare dhe ne do të kërkojmë nga prokuroria speciale që nëpërmjet bashkëpunimit ndërkombëtar të marrim revistën shkencore në tërësi sepse vet Dinal Basha tani mundohet të luaj lojë fjalësh thotë se është fshirë kapitulli i tretë dhe thotë se komiteti i fakulteteve e ka pranuar kërkesën e tij dhe kjo që është lojë fjalësh dhe është për t’u shmangur dhe për të krijuar një alibi, ta fsheh përgjegjësin e tij sepse po të ishte e vërtet ai do ta bënte publik në Facebook”.
Madje sipas Gjinit, ajo se çfarë është edhe më brengosëse është mënyra se si autorja slave e ka gjetur Dimal Bashën që të bashkëpunoj me të.
Andaj, i njëjti kërkon që i pari i kuvendit sa më shpejtë të japë dorëheqje.
“Dilemë tjetër që ne kemi është se ajo ka gjetur Dimal Bashën që të bashkëpunoj me të dhe Dimal Basha përveç publikimit si bashkë-autore , ky i ka ndihmuar asaj të gjej shqiptarë dhe të tregoj anën e errët të shqiptarëve duke aluduar që UÇK është financuar nga kriteret e drogës dhe janë profiter që kanë shfrytëzuar luftën dhe pasluftën që të marrin pozita, andaj tani do ta faktojmë…..kjo vepër penale tregon se këto vepra janë të dënueshme kur janë publike, duke e ditur që është revistë shkencore që secili qytetar mund të ketë qasje aty, atëherë edhe më shumë e forcon përgjegjësinë penale dhe Dimal Basha, unë kërkoj që nëse ka pak fije ndërgjegje, njerëzore, morale dhe etike, duhet të jap dorëheqje nga ky moment sepse ne e kemi dorëzuar kallëzimin penal dhe presim rezultate nga prokurori përkatës që të shikojmë prapa saj diç më tepër sepse mund të jenë çarqet e shërbimeve sekrete që nuk ia duan të mirën Kosovës”, deklaroi Gjini.
E për këtë punim Dimal Basha pati reaguar të mërkurën.
Ai ka thënë se punimi i tij ishte përfshirë si kapitull në një publikim më të gjerë dhe i njëjti është fshirë
Ai ka thënë se ka bërë kërkesë që punimi i tij të hiqej tërësisht nga publikimi dhe se ajo është pranuar.
Deputeti i Lëvizjes Vetëvendosje, Dimal Basha, është zgjedhur kryetar i Kuvendit të Kosovës më 26 gusht, duke marrë 73 vota.
