Ish-ministri në detyrë i Bujqësisë, Faton Peci sot ka dorëzuar zyrtarisht detyrën e tij te ministri në detyrë, Imri Demelezi, duke i uruar suksese dhe mbarësi në përgjegjësitë që e presin.
Peci ka shpreh një falënderim të veçantë për kryeministrin në detyrë, Albin Kurti siç tha ai për korrektësinë, mbështetjen dhe bashkëpunimin e shkëlqyer.
Tutje, ai ka shpreh falënderim edhe ndaj fermerëve, kabinetin, stafin e ministrisë si dhe bashkëpunëtorët e jashtëm të cilët kanë kontribuar.
“Sot e dorëzova detyrën e Ministrit të Bujqësisë, Pylltarisë dhe Zhvillimit Rural tek z. Imri Demelezi, të cilit i uroj suksese dhe mbarësi në përgjegjësitë që e presin. Shpreh falënderim të veçantë për Kryeministrin e Republikës së Kosovës z.Albin Kurti për korrektësinë, mbështetjen dhe bashkëpunimin e shkëlqyer që kishim. Një falënderim për fermerët, kabinetin, stafin e ministrisë, bashkëpunëtorët e jashtëm dhe të gjithë akterët e sektorit që kontribuan në secilën fazë të punës sonë të përbashkët. Faleminderit!”, është shprehur Peci./teve1.info/
