Shtatë policë të rinj serbë kanë dorëzuar detyrën e tyre në stacionin policor në veri të Mitrovicës.
Këtë gjë e kanë bërë të ditur burime të TËVË1.
Presioni ndaj 45 pjesëtarëve të komunitet serb që e pranuan këtë pozitë filloi që në ditën e parë të punës.
Ata u kërcënuan në mënyra të ndryshme vetëm të largohen nga Policia e Kosovës.
Për këtë reaguan liderët shtetërorë ku u vlerësua se kjo po ndodh pas presionit që po ushtron Lista Serbe dhe Beogradi zyrtar ndaj tyre.
Teksa për dorëheqjen e policëve serbë reaguan edhe ndërkombëtarët.
E një ish-kolonel i Forcës së Sigurisë së Kosovës, thotë se përpos dëmit që i bëhet këtij institucioni, me këto dorëheqje dëmtohet edhe buxheti i shtetit.
Sipas tij, zgjidhja për këtë problem qëndron vetëm te politika, andaj siç thotë ai, bashkësia ndërkombëtare duhet bërë më shumë trysni.
Edhe njohësi i çështjeve të sigurisë, Bedri Elezi thotë se është i papranueshëm lajmi për dorëheqjen e këtyre zyrtarëve policorë.
Televizioni ka kërkuar gjatë ditës përgjigje nga Policia e Kosovës se sa është numri i atyre që kanë dhënë dorëheqje, por që deri në publikimin e kronikës nuk kanë kthyer përgjigje.
Ndryshe, më 25 korrik kishin filluar 75 zyrtarë policorë nga komunitetet jo-shumicë, e ku prej tyre ishin 45 serbë lokalë.
