Doracaku në të cilën parashihet edukimi seksual dhe shëndeti riprodhuese i bërë në vitin 2023 ka ngjallur reagime të shumta. Pasi në këtë doracak parashihet që nxënësit e shkollave fillore për 5 minuta të ketë të drejt prekjen e shokut/ shoqes së klasës në të gjithë trupin. Por sipas Instituti Pedagogjik një gjë e tillë nuk ndodhë në shkollat e Kosovës.
Në atë kurrikulë, ministrja Nagavci ka miratuar që fëmijët të marrin një shembull një vajzë dhe një djalë që i qesin para gjithë shokëve të klasës dhe njërit ia mbyll sytë për 5 minuta e nxënësi tjetër ka me ia prek me dorë trupin me sytë mbyllur dhe pastaj do t’i ndërrojnë rolet e më pas do të tregojnë se çka kanë ndjerë, çfarë organe kanë prekur.
Kjo deklaratë e deputetit Eman Rramani ngjalli reagime të shumta.
Kjo pasi ky aktivitet parashihet në kuadër të doracakut për mësimdhënës, “Edukimi seksual dhe shëndeti riprodhues”.
E në këtë doracak, i cili u është dedikuar nxënësve nga klasa e parë deri në të pestën, tregohet rëndësia e këtij aktiviteti.
“Ky aktivitet ndihmon në rritjen e ndërveprimit midis nxënësve dhe u jep atyre mundësinë që të reflektojnë ndaj mënyrave të ndryshme të komunikimit, ndjenjave të tyre dhe bashkëveprimit midis njerëzve. P.sh.: disa shoqërues mund të reagojnë në mënyrë të ashpër ndaj të verbërve që shoqërojnë, të tjerë mund t’i trajtojnë ata sikur të ishin fëmijë ndërsa të tjerët mund t’i nënvlerësojnë ata krejtësisht. Mësuesi/ja (që në këtë rast është në rolin e lehtësuesit) i argumenton këto sjellje të nxënësve që e luajnë rolin e shoqëruesit, me aftësinë e tyre si “lehtësues”’.
Mësimdhënësi i edukatës qytetare në shkollën “Emin Duraku”Florim Shabani tregon se a bëhen aktivitete të tilla në shkollën ku ai punon.
“Unë si mësimdhënës nuk e praktikoj një gjë të tillë sepse kemi metoda të tjera përmes teknologjisë dhe nuk kemi nevojë të bëjmë këso demonstrimi, dhe është çështje që prek intimitetin e individit dhe nuk guxojmë në këtë aspekt dhe nuk lejon nxënësi të bie në asi pozite për arsye e kemi metodën e teknologjisë”, ka deklaruar ai.
Por sipas tij gjatë lëndës së “Edukatë Qytetare” nxënësit mësojnë rreth edukimit seksual.
“Më shumë është si fokus në klasat e nënta ku bëhet dallimi ndërmjet gjinisë dhe seksit, rolet gjinore, orientimet seksuale në kuadër të plan program. Diskutojmë për orientimin e tyre, dallimi në anën biologjike raportet shoqërore se si duhet të krijojnë raportet”, ka pohuar ai.
Edhe nga Instituti Pedagogjik, mohojnë se aktivitete të tilla mbahen në shkollat në Kosovë.
Por sipas tyre në kuadër të disa lëndëve ligjërohet për edukimin seksual.
“Përfshirja e elementeve të edukimit seksual në kurrikulën është në zbatim është vlerë e shtuar e kutikulës sepse këto tema si edukimi seksual kanë qenë tema tabu, sepse ne e dijmë se arsimtarët kur kanë fol për organe gjenitale ju ka ardh keq dhe e kanë rrotulluar në faqen tjetër”, ka thënë Ismet Potera nga Instituti Pedagogjik.
Pas deklaratave të Rrahmanit në Kuvend, ministrja Nagavci kishte reaguar duke thënë se ish bashkëpartiaku i saj çdo herë e kishte keqpërdorur foltoren e Kuvendit për interesa personale.
