Tashmë është zyrtare, Gianluigi Donnarumma është futbollist i ri i Manchester Cityt.
Lajmin e ka bërë të ditur vetë klubi anglez përmes kanaleve të tij zyrtare.
Portieri italian arrin kështu në Angli nga Paris Saint-Germaini për një shifër që sillet afro 28 milionë euro.
Ish-portieri i Milanit është sot pa diskutim më i miri në Evropë në pozitën e tij, ndërsa dha kontribut të madh në triumfin në Ligën e Kampionëve me PSG-në, por befasisht parisienët gjatë verës e njoftuan se nuk llogarisin më në shërbimet e tij pasi trajneri Luis Enrique kishte plane të tjera.
