Dogana e Kosovës ka zbuluar mallra të kontrabanduara dhe një armë zjarri tek një subjekt në Ferizaj gjatë kontrollit të ushtruar.
Sipas njoftimit, gjatë kontrollit është gjetur sasi e konsiderueshme e produkteve të çajit për dobësim dhe preparateve të tjera stimuluese, të cilat dyshohet se janë kontrabanduar në territorin e Republikës së Kosovës.
Kurse theksohet se gjatë kontrollit është zbuluar edhe një armë zjarri e cila më pas është dorëzuar te Policia e Kosovës.
“Pas sigurimit të informatave përmes rrugëve operative njësit e antikontrabandës kanë organizuar një kontroll tek një subjekt në Ferizaj. Kontrolli ka gjetur sasi të konsiderueshme të produkteve si çajit për dobësim dhe preparateve të tjera stimuluese, të cilat dyshohet se janë kontrabanduar në territorin e Republikës së Kosovës. Gjatë kontrollit është zbuluar edhe një armë zjarri, e cila nuk kishte dokumentacion dhe leje të nevojshme për mbajtjen dhe posedimin e saj. Duke qenë kjo një vepër penale, arma menjëherë është dorëzuar te Policia e Kosovës”, thuhet në njoftim.
Sipas doganës mallrat janë sekuestruar nga njësite antikontrabandë të Doganës së Kosovës.
