Dogana e Kosovës ka njoftuar sot se në pikën kufitare në Bërnjak, është ndaluar një automjet ku është zbuluar një sasi e konsiderueshme e mjeteve monetare të padeklaruara.
Sipas njoftimit të doganës, oficerët doganorë në bashkëpunim me Policinë e Kosovës, kanë kryer kontrollin e automjetit, ku gjatë kontrollit, në çantën e drejtuesit të mjetit janë zbuluar një shumë prej 13,350 euro.
Dogana ka bërë të ditur se në përputhje me procedurat 25% e kësaj shume do të konfiskohet, që do të thotë një shumë prej 3,337.50 euro.
“Kjo masë është ndërmarrë si pasoje e shkeljes së rregullave të deklarimit të monetar, derisa shuma e mbetur do të nënshtrohet një verifikimi të mëtejshëm në lidhje me origjinën e këtyre mjeteve monetare, në bashkëpunim me sektorët kompetentë dhe në koordinim me prokurorinë”, thuhet në njoftim./teve1.info/
