Oficerët doganorë në pikën kufitare të Vermicës kanë parandaluar disa tentativa për kontrabandim të mallrave përmes dërgesave të postave të shpejta.
Sipas Doganës së Kosovës, vlera e përgjithshme e mallrave të sekuestruara, bazuar në vlerësimet fillestare, kap shifrën mbi 5,000 euro, ndërsa është në proces verifikimi i saktë i vlerës totale dhe përputhshmëria e dokumentacionit të dërgesave me rregulloret doganore.
“Ndaj personave përgjegjës janë inicuar procedura kundërvajtëse, ndërsa mallrat janë sekuestruar në përputhje të plotë me ligjin,” thuhet në komunikatën zyrtare./teve1.info/
