Dogana e Kosovës së bashku me Policinë janë duke e zhvilluar sot një aksion kundër piratërisë dhe falsifikimit në tri regjione të Kosovës.
Kështu ka bërë të ditur për teve1.info, zëdhënësi i Doganës, Adriatik Stavileci i cili tha se janë kontrollur 11 subjekte tregtare në regjionin e Prishtinës, Prizrenit dhe Gjakovës.
“Dogana e Kosovë, Drejtoria për Hetimin e Krimeve Ekonomike dhe Korrupsionit, Drejtoria e Hetimit të Krimeve Kibernetike te Policise dhe Inspektorati i Tregut si anëtarë të Task Forcës për luftimin e piraterisë dhe falsifikimit, pas pranimit të informatave dhe punës në teren për verifikim të informatave kanë zbuluar se subjektet tregtare posedojnë mallra që dyshohet se janë të falsifikuara
Andaj, si rezultat i dyshimit institucionet e kompetente në bashkëpunim dhe koordinim të veprimeve konform kompetencave ligjore kanë planifikuar veprimet operative në terren dhe është zbatuar Plani Operativ, ku janë kontrolluar 11 subjekte tregtare në 3 regjione të Republikës së Kosovës (Prishtine, Prizren dhe Gjakove”, ka deklaruar ai për teve1.info.
Ai tutje bëri të ditur se aksioni është duke vazhduar.
