Dogana e Kosovës sot gjatë një kontrolli në pikë kalimin kufitar Merdare ka zbuluar dhe sekuestruar 468 copë bizhuteri të ndryshme dhe 6 kilogramë të koncentratit për parfume.
Gjetja e mallrave të padeklaruara ka ndodhur në pjesën e pasme të kapakëve të një autobusi që vinte nga Luksemburgu për në Kosovë.
Në njoftim thuhet se është njoftuar pala se mos deklarimi i mallrave përbën shkelje dhe se ndaj tyre do të shqiptohet kundërvajtje doganore. Vlera e mallrave të ndaluara është rreth 1 mijë euro.
Dogana thotë se do të vazhdojë të angazhohet në parandalimin e kontrabandës dhe në sigurinë e kufijve, duke garantuar që çdo mall të trajtohet sipas ligjeve dhe rregullave të aplikueshme.
