Dogana e Kosovës ka njoftuar se gjatë një operacioni në regjionin e Prizrenit është zbuluar një sasi e madhe e barnave të paligjshme.
Aty u sekuestruan plot 633 paketime barnash me një vlerë mbi 5000 euro,-thuhet në njoftimin e Doganës në Facebook.
Këto barna ishin kontrabanduar në Kosovë dhe u gjetën të mërkurën pas një bastisje në një barnatore.
“Në një operacion të suksesshëm të Njësive të Doganës së Kosovës sot në regjionin e Prizrenit, është zbuluar një sasi e madhe e barnave të paligjshme, të fshehura në vende të ndryshme. Këto barna ishin kontrabanduar në Kosovë dhe si rezultat i punës operative, është identifikuar lokacioni (barnatore) e cili sot u bastis. Janë sekuestruar plot 633 paketime barnash me një vlerë mbi 5000 euro”, thuhet në njoftim.
