Sipas njoftimit të lëshuar nga Doagana, në magjistralen Prishtinë – Mitrovicë, doganierët së bashku me policinë e kanë identifikuar një automjet transportues të dyshimtë ku edhe janë gjetur cigare të kontrbanduara.
“Fillimisht automjeti nuk i është bindur urdhrave të zyrtarëve doganor për të u ndaluar dhe ka tentuar të ikë, mirëpo falë profesionalizimit te zyrtarëve doganor dhe policor është arritur që të ndalohet automjeti kurse vozitësi ka ikur nga vendi i ngjarjes. Me këtë rast në automjet janë gjetur 250,000 copë cigare pa banderola të kontrabanduara. Shmangiet e llogaritura nga taksat e aplikueshme janë 15,885.00 Euro”, thuhet në njoftim.
Sipas komunikatës së lëshuar nga Dogana, lidhur me këtë rast është njoftuar Prokuroria dhe kanë filluar hetimet penale, kurse automjeti dhe mallrat janë sekuestruar.
