Kërcënuesi më i madh i sigurisë globale, Rusia, këto ditë po mbanë të ashtuquajturën Konferencë Ndërkombëtare të Sigurisë në Moskë.
Në këtë konferencë të 11-ën me radhë, po marrin pjesë edhe liderët serb si: Presidenti i Republikës Srpska, Milorad Dodik, Shefi i Agjencisë së Sigurisë Informative të Serbisë (BIA), Aleksandar Vulin dhe ministri i Punëve të Jashtme, Ivica Daçiq.
Njohësi i çështjeve të sigurisë, Bedri Elezi, thotë se këta zyrtarë serbë kanë shkuar në Moskë për të marrë direktivat për destabilizimin e Ballkanit.
Profesori Universitar, Dritëro Arifi, thotë se për këtë vizitë të zyrtarëve serb në Moskë, Bashkësia Ndërkombëtare duhet të reagoj ndaj Serbisë.
Në lidhje me afrimin gjithnjë e më të madh të Serbisë me Rusinë, së fundmi ka reaguar edhe shefi i Diplomacisë së BE-së, Josep Borrell, i cili ka thënë se lidhjet e Beogradit me Moskën nuk janë në përputhje me rrugën e integrimit në BE.
