Valon Raka nga nisma “Asnjë cent më shumë”, ka bërë të ditur se protesta e nesërme e cila është thirrur për të kundërshtuar shtrenjtimin e energjisë elektrike do të jetë masive.
Raka pret që shumë qytetarë të marrin pjesë dhe protesta të jetë paqësore.
“Protesta do të jetë masive, presim shumë qytetarë të marrin pjesë. Shfrytëzojmë rastin për krejt ata qytetarë që nuk e kanë ditur se nesër do të mbahet protesta. Protesta është e lajmëruar në Policinë e Kosovës, si protestë paqësore, grupi organizator nuk përkrah asnjë lloj dhune. Ne jemi qytetarë të brengosur dhe kjo do të jetë një angazhim civil brenda kornizave ligjore që na takojnë neve si qytetarë të kësaj Republike”, tha ai në emisioni “Ditari” në Tëvë1.
Raka potencon se hapi i parë i kundërshtimit të shtrenjtimit të rrymës do të jetë protesta e nesërme.
“Hapi i parë i kundërshtimit është protesta, deri më tani kjo iniciativë veçse ka ngritur reagimin e institucioneve relevante, me disa përjashtime nuk kemi pasur ndonjë prononcim nga kryeministria dhe ZRrE-ja ka ftuar sot disa organizata qeveritare e sindikata…”, deklaroi ai.
Ai tha se nuk i kanë bërë festë për pjesëmarrje asnjë partie politike, pasi që qëllimi i tyre është që thirrja të jetë për qytetarët. Ndërkohë, s’e përjashtojnë mundësinë që ndonjë politikan të marrë pjesë në protestë.
Ai tha se zyrtarisht në grupin punues nuk është i angazhuar asnjë parti politike. /teve1.info/
