Demokracia në Veprim ka deklaruar se deri në orën 17:00 të drejtën për të votuar e kanë shfrytëzuar 38,9 për qind e qytetarëve me të drejtë vote.
Sipas tyre daljen më të madhe e ka pasur rajoni i Prishtinës, ai i komuna me shumicë serbe dhe rajoni i Ferizaj.
Ndërsa daljen më të ulët e kanë rajoni i Pejës, Prizrenit dhe ai i Gjakovës.
“Dalja e votuesve deri në orën 17:00 në nivel vendi është 38.9%. Në këto zgjedhje kanë të drejtë vote 1.9 milionë qytetarë. Sa i përket daljes së regjioneve ajo çarë bie në sy janë dy rajone që kanë dalje mbi mesataren në nivel vendi, që është rajoni i Prishtinës me 46% dalje, rajoni i komunave me shumicë serbe, si dhe Ferizaj. Dalje brenda mesatares janë Gjilani dhe Mitrovica e Jugut dhe disa rajone që kanë daljen më të ulët në krahasim me mesataren në nivel vendi janë rajoni i Pejës, Prizrenit dhe Gjakovës”.
DnV ka bërë të ditur se procesin zgjedhor është duke e vëzhguar me 500 vëzhgues në tërë territorin e vendit.
Tutje, thuhet se mbi 70% të vendvotime në nivel vendi kanë pasur deri në 10 raste kur votuesit s’kanë mundur ta gjejnë vendvotimin e tyre.
“Pa rregullësit kryesore që e kanë karakterizuar 10-orëshin e procesit të votimit, vijon të dominojë problemi i pa saktësisë së listës së votuesve, respektivisht vështirësitë që votuesit po kanë që ta gjejnë emrin e tyre në listë të votimit. Mbi 70% të vendvotime në nivel vendi kanë pasur deri në 10 raste kur votuesit s’kanë mundur ta gjejnë vendvotimin e tyre”.
“Madje, ajo që bie në sy është se brenda 70 për qindëshit, rreth 20% e tyre kanë pasur deri në 50 raste kur votuesit s’kanë mundur të votojnë për shkak të pa saktësisë së listës”.
