Rexhepi, përmes një postimi në Facebook, ka thënë se ani pse ishte renditur i pari në listën për depoist në Qendrën e Edukimit dhe Arsimimit Parashkollor “Ardhmëria” në Drenas, atij i janë shkelur të drejtat e punësimit në kundërshtim me ligjin.
Kjo, sipas tij, pasi ai nuk është “anëtar i familjes së ndonjërit prej njerëzve të afërt me kryetarin e komunës”.
“Të nderuar, po e shpalos një padrejtësi tē Zyrtarēve tē Komuna e Drenasit. Jam djali i Jahir Rexhepi, invalidit tē luftës së UÇK-së. Komuna e Drenasit, shkelë të drejtat e punësimit duke vepruar në kundērshtim me ligjin dhe aktet nënligjore. Në konkursin për depoist pranë QEAP “Ardhmëria”- Drenas- Bushat “Ardhmëria”, isha i renditur i pari në listën për Depoist. Meqenëse, nuk isha anëtar i familjes së ndonjërit prej njerëzve të afërt me kryetarin e komunës dhe nuk dëshiroja qe të nënshtrohem, andaj komisioni i caktuar nga kryetari z.Agron Jusufi ka bërë shkelje të Kushtetutës ku përcaktohet se punëdhënësi duhet të respektojë të drejtat e punësimit pa diskriminim dhe pa ndërhyrje politike”, ka shkruar ai.
Rexhepi ka shtuar se i janë shkelur të drejtat e parapara me ligj dhe se për këtë ai do t’i drejtohet Prokurorisë për kallëzim penal.
“Sipas ligjit të punës, mua më janë shkelur të drejtat e parapara me këtë ligj dhe jam diskriminuar pasiqë kandidatja e cila është përzgedhur është në lidhje familjare me një person i cili ka pozitë të lartë në Komunë. Unë do ta apelojë ketë vendim dhe do të shfytëzojë të gjitha mjetet juridike, duke përfshirë edhe kallëzim penal ne Prokurori për keqpërdorim të të drejtave tē punësimit dhe nepotizmit familjar komform dispozitave te Kodit penal të Republikës së Kosovës, respektivisht neni 219 i Kodit Penal. Prandaj, meqë Institucioni i cili thirret qe po zbaton ligjin, ka vepruar në kundërshtim me ligjin e punës dhe të drejtat e punësimit, unë jam i detyruar të ndërmarr veprime ligjore. Shihemi në gjykatë. Mergim Rexhepi, djali i invalidit të luftës së UÇK-së, kandidat për depoist”, ka shkruar Rexhepi në Facebook. /Teve1.info/
